ကွန်ပျူတာဗိုင်းရပ်စ်နှင့် သူလျှိစံနစ် အန္တရာယ်များအား လျော့နည်းစေမည့် နည်းလမ်း ငါးမျိုး

Virus=ကွန်ပျူတာထဲရှိ အချက်အလက်များ ပျက်စီးမှားယွင်းစေရန် တိုက်ခိုက်သည့် စံနစ် သို့မဟုတ်
ကွန်ပျူတာဗိုင်းရပ်စ်

Spyware=ကွန်ပျူတာထဲရှိကိုယ်ရေးအချက်အလက်များအား ထောက်လှမ်းခိုးယူသည့်စံနစ် သို့မဟုတ် သူလျှိုစံနစ်

ကွန်ပျူတာဗိုင်းရပ်စ်စံနစ်ရဲ့တိုက်ခိုက်မှုခံရတယ်ဆိုရင် အဲဒီတိုက်ခိုက်မှုက သင့်ကွန်ပျူတာကို သင် မသိ လိုက်ပဲ တခြားတယောက်ယောက်က ထိန်းချုပ်ခွင့်ရသွားတာ၊ သင်ဘယ်သူတွေနဲ့ ဆက်သွယ်တယ်၊ ဘာကိစ္စတွေဆက်သွယ်တယ်၊ ဘာတွေလုပ်တယ်ဆိုတာကို စုံစမ်းထောက်လှမ်း ခွင့်ရသွားတာနဲ့ အတူတူပဲဖြစ်ပါတယ်။
သင်ကိုယ်တိုင်သာမက သင့်အသိမိတ်ဆွေတွေကိုပါ လုံခြုံစိတ်ချရအောင် သင့်အမူအကျင့် တွေကို စတင်ပြောင်းလဲပါ။

ခလုတ်မနှိပ်ခင် သေချာစဉ်းစားပါ

အီးမေးလ်နဲ့အတူပါတဲ့ ပူးတွဲဖိုင်လ်တွေ ဒါမှမဟုတ် အီးမေးလ်ထဲမှာပါတဲ့ အင်တာနက် စာမျက်နှာ လိပ်စာလမ်းကြောင်းတွေကို (သေသေချာချာမစစ်ဆေးပဲ) မဖွင့်ပါနဲ့။ သင်သိတဲ့သူ တယောက် ယောက်ထံက သင့်ဆီကိုပို့မယ်လို့ကြိုသိနေတဲ့ ပူးတွဲဖိုင်လ်တွေ အင်တာနက် စာမျက်နှာ လိပ်စာ လမ်းကြောင်း တွေကလွဲရင် ပူးတွဲဖိုင်လ်နဲ့ အင်တာနက်စာမျက်နှာလိပ်စာလမ်းကြောင်း အများစုက ဗိုင်းရပ်စ်တွေ ပါနေပြီး ဖွင့်လိုက်တာနဲ့ သင့်ကွန်ပျူတာကို ဒုက္ခပေးနိုင်တဲ့ အန္တရာယ်ကြီးကြီးမားမား ရှိနေတတ်ပါတယ်။
သင့်အီးမေးလ်ထဲကိုရောက်လာတဲ့ ပူးတွဲပါဖိုင်လ်တွေကို ဗိုင်းရပ်စ်ပါမပါ စစ်ဖို့ scan@virustotal.com ကို SCAN ဆိုတဲ့ခေါင်းစဉ်နဲ့ပို့ပါ (ဒါမှမဟုတ်) VirusTotal.com ကို URL ပို့ပေးပြီး စစ်ခိုင်းပါ။
URL ဆိုတာက Uniform Resource Locator လို့ခေါ်တဲ့ အင်တာနက်ထဲက အချက်အလက်တွေရဲ့ လိပ်စာ လမ်းကြောင်းဖြစ်ပါတယ်။

ပူးတွဲပါဖိုင်လ်တွေနဲ့ ခပ်ဝေးဝေးနေပါ။

အချက်အလက်တွေ ပို့ပေးလို့ရပါတယ်၊ အီးမေးလ်နဲ့တော့မပို့ပါနဲ့။ အီးမေးလ်နဲ့ ပို့မယ့်အစား အောက်ပါ နည်းလမ်းတွေ သုံးလို့ရပါတယ်။
သင်မျှဝေချင်တဲ့အချက်အလက်တွေ ဖိုင်တွေကို Google docs, Dropbox ဒါမှမဟုတ် www.ge.tt တခုခုဆီကိုပို့ပါ။
တယောက်ယောက်က သင့်ဆီကို ပူးတွဲဖိုင်လ်ပါတဲ့ အီးမေးလ်ပို့လာရင် ပူးတွဲပါဖိုင်လ်ကို ကူးယူ သိမ်းဆည်းစရာ မလိုပဲ ကြည့်ဖို့အတွက် “Preview” ခလုတ်ကို အသုံးပြုပါ။
သင့်ကွန်ပျူတာထဲက အချက်အလက်သိမ်းတဲ့ နေရာတွေကို သူများတွေပါသုံးလို့ရအောင် ခွင့်ပြုထားတာမျိုး မျှပေးထားတာမျိုးမလုပ်ပါနဲ့
Drive ဆိုတာက ကွန်ပျူတာထဲမှာ C လို D လို E လို ကွန်ပျူတာစံနစ်တွေ၊ အချက်အလက်တွေ၊ ကိုယ်ရေးကိုယ်တာဖိုင်တွေ သိမ်းဆည်းတဲ့နေရာတွေကို ဆိုလိုတာဖြစ်ပါတယ်။

သင့်ရဲ့ (အချက်အလက်ကူးယူသိုမှီးရာမှာသုံးတဲ့) လက်တဆစ်လောက်သာရှိတဲ့ စတစ်က် (thumb drive, jump drive, USB stick လို့လဲခေါ်ကြပါတယ်) ကို အခြားသူတွေရဲ့ ကွန်ပျူတာတွေမှာ တပ်ဆင် အသုံးပြုတာ သို့မဟုတ် အခြားသူတွေရဲ့ စတစ်က်တွေကို သင့်ကွန်ပျူတာမှာ တပ်ဆင် အသုံးပြုခွင့်ပေးခြင်းအားဖြင့် ဗိုင်းရပ်စ်တွေ သူလျှိုစံနစ်တွေ ပြန့်နှံ့စေပါတယ်။ လူအများသုံးတဲ့ ကွန်ပျူတာ ဒါမှမဟုတ် အင်တာနက်ကဖေးလိုမျိုး ကွန်ပျူတာငှားသုံးလို့ရတဲ့နေရာတွေမှာ အသုံးပြုတဲ့ အခါမျိုးမှာ အဲလိုပြန့်နှံ့မှုက အဆိုးဆုံးဖြစ်ပါတယ်။

ခိုးကူးခွေတွေ စံနစ်တွေ အသုံးမပြုပါနဲ့

အင်တာနက်မှာ အလကားအသုံးပြုခွင့်ပေးတဲ့ Microsoft Windows လိုမျိုး၊ လမ်းဘေးမှာ ရောင်းတဲ့ ကွန်ပျူတာ စံနစ်အခွေတွေလိုမျိုး ခိုးကူးခွေတွေ၊ တရားဝင်မှတ်ပုံတင်မထားတဲ့ အစစ်မဟုတ်တဲ့ ကွန်ပျူတာ စံနစ်တွေအသုံးပြုခြင်းဟာ အင်မတန်အန္တရာယ်ကြီးပါတယ်။ ပြောရမယ်ဆိုရင်တော့ အဲဒီလိုမျိုးအခွေတွေဟာ ပထမဆုံးအနေနဲ့ ကွန်ပျူတာဗိုင်းရ
ပ်စ်တွေထည့်ထားလို့ရအောင် မူရင်းကို ပြုပြင်ထားတာမျိုးဖြစ်တတ်ပြီး ဒုတိယအနေနဲ့ကတော့ ခိုးကူးခွေဖြစ်တဲ့အတွက် မူရင်းကုမ္ပဏီက အဆင့်မြှင့်တာတွေ ပြုပြင်ထားတာတွေလုပ်ထားတာရှိယင် သင်အသုံးပြုနေတဲ့ခိုးကူခွေက အဲဒီ အဆင့်မြှင့်ထားတာတွေကို ရယူသုံးစွဲနိုင်စွမ်းမရှိတာများပါတယ်။ အဲဒီအတွက်ကြောင့် ခိုးကူးခွေတွေ စံနစ်တွေသုံးတဲ့ကွန်ပျူတာတွေအနေနဲ့ အင်တာနက်တိုက်ခိုက်မှုတွေ၊ ဗိုင်းရပ်စ်တွေ၊ သူလျှိုစံနစ်တွေကို ကာကွယ်နိုင်စွမ်းမရှိပဲ ဟာလာဟင်းလင်း ထိလွယ်ခိုက်လွယ် ဖြစ်တတ်ပါတယ်။ အဲဒီလိုခိုးကူးခွေတွေ အသုံးပြုမယ့်အစား အောက်ပါနည်းလမ်းတွေကို ရွေးချယ်အသုံးပြုနိုင်ပါတယ်။
မိုက်ကရိုဆော့ဖ် ၀ဒ်ဖိုင်အစား OpenOffice ဒါမှမဟုတ် LibreOffice လိုမျိုးစံနစ်တွေ၊ Internet Explorer လိုမျိုး အင်တာနက်ဖွင့်တဲ့ စံနစ်အစား Firefox နဲ့ Chrome လိုမျိုးစံနစ်တွေ၊ Microsoft Windows လို ကွန်ပျူတာလည်ပတ်တဲ့စံနစ်အစား Ubantu (http://ubuntu.com) လိုမျိုး တခြား အဆင်ပြေနိုင်မယ့် ပိုက်ဆံလဲပေးစရာမလိုတဲ့ နည်းလမ်းတွေ စမ်းသုံးကြည့်ပါ။
ကွန်ပျူတာလည်ပတ်တဲ့စံနစ်တွေသုံးတဲ့အခါ တရားဝင်ထုတ်ထားတဲ့ စံနစ်အစစ်တွေရယူ သုံးစွဲပါ။

(ခိုးကူးထားတဲ့စံနစ်တွေ မသုံးပါနဲ့)

အကောင်းဆုံး ကွန်ပျူတာ ဗိုင်းရပ်စ် ကာကွယ်ရေးစံနစ်ကတော့ သင်ကိုယ်တိုင်ပဲဖြစ်ပါတယ်။
ကွန်ပျူတာကိုတိုက်ခိုက်တဲ့ ဗိုင်းရပ်စ်စံနစ်အများစုက ခောတ်မီဆန်းပြားတဲ့ စံနစ်အသစ်တွေပါ။ အဲဒါကြောင့် ဗိုင်းရပ်ကာကွယ်ရေးစံနစ်က တချို့ ဗိုင်းရပ်စ်စံနစ်တွေကို ရှာတွေ့ကာကွယ် နိုင်ပေမယ့် အများစုကိုတော့ ကာကွယ်နိုင်ခြင်းမရှိတာတွေ့ရပါတယ်။ အကောင်းဆုံး ကာကွယ်ရေး စံနစ်ကတော့ သင်ကိုယ်တိုင်ရဲ့အမူအကျင့်ကိုပြောင်းပြီး ခလုတ်မနှိပ်ခင် သေချာစဉ်းစားဖို့ပါပဲ။ VirusTotal.com ကို သင်ဗိုင်းရပ်စ်စစ်ချင်တဲ့ ဖိုင်လ်တွေကို ပို့ပေးပြီး စစ်ခိုင်းလို့ရပါတယ်။ သူလျှိုစံနစ်ကာကွယ်ရေး စံနစ်တွေဟာလည်း သင့်ကွန်ပျူတာထဲဝင်ပြီး သင်ဘာလုပ်လဲ၊ ဘယ်သူနဲ့ဆက်သွယ်လဲ၊ ဘာကိစ္စတွေ ဆက်သွယ်လဲဆိုတာ စောင့်ကြည့်ထောက်လှမ်းတဲ့ သူလျှိုဒလန်စံနစ်တွေကို ကာကွယ်တားဆီးရာမှာ အလွန်အသုံးတည့်တဲ့ စံနစ်တွေဖြစ်ပါတယ်။ သူလျှိုစံနစ်ကာကွယ်ရေးစံနစ်ကောင်းတခုကတော့
Spybot: http://www.safer-networking.org/en/home/index.html စံနစ်ပဲဖြစ်ပါတယ်။